Saturday, 12 September 2020

 


बौड़ीक ऐजा - बौड़ीक ऐजा हे गढदेश्यों

बौड़ीक ऐजा - बौड़ीक ऐजा म्येरा मुल्की देश्यों


तुमकु जगवळ्दी स्या खौन्दरि तिबार

तुमकु जगवल्दा  तुमारा बार त्यौहार

बाटू ह्येरदी, सुजल्नि रेंदि स्या बूड्या ब्वे

बारा मैना- बारा मास तैंका आँख्योंम रवे

अपणि मातृ भूमि का खातिर तुम बौड़ीक ऐजा

बौड़ीक ऐजा ----------


तुम बिन बांजा छिन डोखरा सेरा

तुमरा बिन बांजा छिन धारा पंदेरा 

तुमू धै लंगादिन तुमारा रीति-रिवाज

द्यबतों का थान बुलौणा छिन तुमकु आज

अपणी पित्रों कि धरती थें पूजण तुम ऐजा

बौड़ीक ऐजा ---------------


तुमरा बीन सूना छिन सभी खौळा- म्येळा

ऐ जाला तुम त कौथिग भी ह्वीरेला

हरची गेनि चांचरी झुमेला भी ये बथों मा

जाण से तुमरा व रौनक भी नि रे अब गौं ख्वळों मा 

डुबदि यें संस्कृति थे छाला लगाणू कू ऐजा

बौडिक ऐजा-----------------------


घुघुती की घूर तुमकु खुदाणी च

डांडी काँठी उदास तुमथे रुसाणी च

त्वे बिना उचम्याणा छिन त्येरा खेल खिलौणा

त्वेते सुधलना छिन त्येरा घौड़ा दगणया

हिटी क जौं बाटों मा पौंछि तु दूर

वों बाटों कु करज उतन्न तु ऐजा

बौडिक ऐजा---------------------

बौडिक--------------म्येरा मुल्की

©®नीलम रावत

12 comments

वाह दीदी बहुत अच्छा🤩

REPLY

बहुत सुंदर �� दीदी

REPLY

वाह । बहुत बेहतरीन। बौडिक ऐजा....👌🥰

REPLY

वाह । बहुत बेहतरीन। बौडिक ऐजा....👌🥰

REPLY

बहुत सुंदर पंक्तियां कवयित्री जी।
Well done & keep it up...👌👍🙏😊

REPLY

लाजवाब 👌👌👌👌

REPLY

लाजवाब 👌👌👌👌

REPLY

बहुत सुन्दर 👌

REPLY

Yes very nice poem, may our people's welcome back.But most business in outsider's hand & surprise we support him.Think how many Uttarakhandi perment stay in bihar? May be zero % not possible to live there.but how Bihari adoted here & most govt officres are from ...

REPLY

वाह क्या बुन 👍

REPLY

Neelam Rawat. Powered by Blogger.

घाटियों की गूंज . 2017 Copyright. All rights reserved. Designed by Blogger Template | Free Blogger Templates